Jaco Londt, provinsiale voorsitter van die DA, het in ’n verklaring bevestig dat die DA se Federale Regskommissie (FLC), na behoorlike oorweging, aanbeveel het dat Masizole Mnqasela, speaker van die Wes-Kaapse wetgewer, van wangedrag aangekla word.
Die DA het in Mei vir Masizole Mnqasela by die Valke gaan verkla oor bewerings van bedrog en korrupsie, waarna ’n ondersoek van stapel gestuur is.
Hierdie ondersoek het gespruit uit openbaarmakings deur fluitjieblasers wat beweer dat Mnqasela skuldig is aan bedrog en/of korrupsie. Dit hou verband hou met sy verblyf-, reis- en onthaaltoelae-eise .
Die Federale Bestuur van die DA het besluit om die aanbeveling wat deur die FLC gemaak is, te aanvaar.
“Die DA het ’n zero-toleransie-benadering tot korrupsie, en wanneer bewyse opduik, hou ons ons ampsdraers tot verantwoording, sonder vrees of guns,” sê Londt.