Priscilla Naidu, polisiewoordvoerder, het bevestig dat ’n ondersoek deur ’n speurder rakende die moord en poging tot moord op twee universiteitstudente op 2 April 2022 gelei het tot die arrestasie van ’n 28-jarige verdagte op 20 Julie 2022 in Kaapstad.
Daar word beweer dat ’n groep jong volwassenes op 2 April 2022 om 04:00 op die hoek van Parlement- en Lawrencestraat gestaan het toe ’n onbekende man hulle genader het en na bewering ’n oorlas van homself gemaak het. Toe hy weier om te loop, het ’n stryery tussen die groep en die onbekende persoon uitgebreek. Die herrie het toe geweldadig uitgedraai toe een persoon van die groep die verdagte geklap het. Die persoon het toe vertrek en minute later met ’n vuurwapen teruggekeer. Hy het op die groep begin skiet. Abongile Mgu (22) het noodlottige beserings opgedoen terwyl ’n 21-jarige vrou een keer in die buik geskiet is. Die verdagte het toe van die toneel weggehardloop.
Die beseerdes is na die hospitaal gehaas, maar Abongile Mgu het aan sy beserings beswyk. Daar word verder beweer dat die groep jong mans en vroue universiteitstudente was.
Deeglike ondersoek deur ondersoekbeampte Ridwaan Baaitjies het gelei tot die adres van die verdagte in Kaapstad. Die verdagte is opgespoor en op 20 Julie 2022 is hy deur lede verbonde aan die Cape Town Flying Squad by ’n hotel in Seepunt in hegtenis geneem.
Hy sal Dinsdag, 26 Julie 2022, in die Gqeberha-landdroshof op aanklagte van moord en poging tot moord verskyn.