Die saak van voormalige president Jacob Zuma en die Franse wapenvervaardiger Thales se korrupsieverhoor is tot Maandag 17 Oktober 2022 uitgestel.
Regter Piet Koen van die hooggeregshof in Pietermaritzburg het die saak uitgestel om die konstitusionele hof toe te laat om sy uitspraak te lewer oor Zuma se versoek om advokaat Billy Downer as die staatsaanklaer te verwyder.
AfriNuus het vroeër berig dat Zuma tereg staan vir korrupsie, bedrog, geldwassery en rampokkery. Thales staan tereg op een aanklag van rampokkery, twee van korrupsie en een van geldwassery.
Thales word daarvan beskuldig dat dit Zuma omgekoop het.