Die hooggeregshof in Pietermaritzburg het Dinsdag ’n beslagleggingsbevel vir R6,5 miljoen aan Anoosh Rooplal, kurator van VBS Mutual Bank, toegestaan.
Die bevel dwing oudpresident Jacob Zuma om die geld terug te betaal wat hy op veiligheidsopgraderings aan sy Nkandla-langoed in 2016 bestee het, nadat hy agter geraak het met die betalings van sy R7,8 miljoen-skuld wat hy by die nou gelikwideerde bank aangegaan het. Die nuus is deur DailyMaverick onthul.
Volgens DailyMaverick kan VBS Mutual Bank nou beslag lê op Zuma se beeste, meubels en ander realiseerbare bates om sy skuld te verhaal.
Die Jacob Zuma-stigting het in ’n verklaring bevestig dat dit kennis neem van die hofuitspraak en die uitspraak sal bestudeer voor dit ’n verklaring uitreik.
Meer inligting volg.