Paul Herbst, woordvoerder van Medi Response, het bevestig dat die nooddiens vanmiddag op die toneel was van ’n kop-aan-kop botsing tussen twee voertuie op die R102-pad naby Chakas Rock aan die noordkus van KwaZulu-Natal.
Met die aankoms van nooddiens is daar vasgestel dat een van die voertuie kort ná die kop-aan-kop botsing aan die brand geslaan het en in vlamme gehul is. Twee persone het ernstige beserings opgedoen, waarna die nooddiensspanne gevorderde lewensondersteuning toegepas het.
Nog ’n individu van die tweede voertuig het ligte beserings opgedoen en is ook behandel.