VIDEO: Beeldmateriaal deur inwoners wat op Twitter geplaas is.
’n Ontploffing in ’n gebou op die hoek van Plein- en Victoriastraat in Woodstock het vroeër vanaand plaasgevind, waar ’n brand uitgebreek het. Dit is kort daarna deur verskeie sekondêre ontploffings gevolg.
JP Smith, burgemeesterskomiteelid vir veiligheid in die Kaapse metroraad, het dié nuus aan AfriNuus bevestig,
Stad Kaapstad se brandweer- en reddingseenhede het op die toneel gereageer, met talle toerusting om die brand onder beheer te bring.
Twee mans met erge brandwonde is na die Groote Schuur-hospitaal vir mediese behandeling gehaas.
Die oorsaak van die ontploffings is in hierdie stadium onbekend, maar ondersoeke duur voort
Verdere besonderhede sal bekend gemaak word soos dit bevestig word.