Die gronding van ‘n Angolese huurvliegtuig by Kaapstad Internasionale Lughawe bly in plek.
Dit volg nadat dit sonder die betrokke Buitelandse Operateurspermit daar geland het. Daar was drie mense aan boord.
Die ministerie van vervoer sê dit is totdat die verpligte permit ontvang is, nadat die vliegtuig die Suid-Afrikaanse lugruim onwettig binnegekom het.
Die Angolese ambassade het om verskoning gevra en hulp en leiding gevra oor die pad vorentoe.
Opdatering: Die vliegtuig het later sonder ‘n geldige permit die lughawe verlaat.
