Morney Vos van die Mike Bolhuis Gespesialiseerde Veiligheidsdienste het aan AfriNUUS bevestig dat Luschka Taljaard (27) en haar 4-jarige seun Daniel Vrydagaand veilig gevind is.
Volgens Vos is die vermiste Luschka en Daniel by ‘n vulstasie in Pretoria opgespoor, nadat Luschka met haar man, Coetzee, kontak gemaak het.
Vos het verder bevestig dat die ondersoekspan om 22:00 ingelig is van waar die ma en seuntjie is, waarna hulle na die vulstasie gehaas het.
Volgens Vos was die ma en seun erg getraumatiseerd en is daarna na ‘n hospitaal gehaas.
Die omstandighede rondom die verdwyning is onbekend, maar die ondersoek duur voort.
Vos het vroeër gesê dat die ma nie vermis geraak het nie, maar waarskynlik verkies het om saam met haar seun te verdwyn.
Haar Volkswagen Polo is Donderdag om 18:00 by die ingang ‘n nedersetting in Hendrina gevind.
‘n Vorige polisieverklaring lui:
Die polisie in Hendrina doen ‘n beroep op die gemeenskap om te help om mev Lushka Taljaard (27) en Daniel Petrus Taljaard (4) op te spoor. Hulle is laas op 05 Januarie 2022 gesien toe mnr Taljaart, die (man), omstreeks 05:00 werk toe vertrek het.
Mnr Taljaard het omstreeks 17:00 teruggekeer huis toe en kon nie sy vrou en seun kry nie. Hy het albei fone van sy vrou gebel, maar hulle was afgeskakel. ’n Soektog het gevolg na die vermiste persone en hulle is nie gevind nie. Die saak is toe by die polisie aangemeld.
Tydens ondersoek na Lushka se voertuig is ‘n silwergrys VW Polo verlate gevind by Arnot/Hendrinaweg oorkant die ingang van die Kwazamokuhle-nedersetting.
Lees ons vorige berig hier: