In die 2022/23-feestydperiode het altesaam 1 451 mense hul lewens op ons paaie verloor.
Dit is ’n afname van 13,9% vergeleke met 1 685 sterftes in die vorige tydperk laasjaar.
“Ons het ook ’n afname van 6,5% in noodlottige ongelukke aangeteken vergeleke met die vorige jaar toe ons 1 295 noodlottige ongelukke aangeteken het vergeleke met 1 211 vanjaar,” het Fikile Mbalula, minister van vervoer, gesê.
Só lyk die statistieke per provinsie:
- Wes-Kaapse sterftes het van 207 tot 131 gedaal, wat ’n afname van 36,7% tot gevolg gehad het;
- Sterftes in Mpumalanga het van 189 tot 144 gedaal, wat ’n afname van 23,8% tot gevolg gehad het;
- Noord-Kaapse sterftes het van 65 tot 51 gedaal, wat ’n afname van 21,5% tot gevolg gehad het;
- Noordwes-sterftes het van 119 tot 94 gedaal, wat ’n afname van 21% tot gevolg gehad het;
- Limpopo-sterftes het van 226 tot 179 gedaal, wat ’n afname van 20,8% tot gevolg gehad het;
- KwaZulu-Natalse sterftes het van 275 tot 240 gedaal, wat gelei het tot ’n afname van 12,7%;
- Oos-Kaapse sterftes het van 210 tot 205 gedaal, wat ’n afname van 2,4% tot gevolg gehad het;
- Vrystaatse sterftes het van 119 tot 117 gedaal, wat ’n afname van 1,7% tot gevolg gehad het; en
- Gautengse sterftes het van 275 tot 290 toegeneem, wat ’n toename van 5,5% tot gevolg gehad het.
Fikile het verder bevestig dat 947 mense vasgekeer is vir dronkbestuur.
Die enigste provinsie met ’n toename in padsterftes is Gauteng.