Sasol sê vanoggend om 02:45 is ’n sterk ammoniak-reuk by Sasol se Bunsen-terrein in Sasolburg, Vaaldriehoek, opgespoor.
Sasol-woordvoerder, Elsabé Ras, het die inligting aan 90.6 FM News bevestig in ‘n verklaring wat vanoggend om 03:30 vrygestel is.
Ras het gesê Sasol se noodprotokol is geaktiveer, terwyl die voorval om 05:09 onder beheer gebring is.
Dit volg nadat verskeie op mense sosiale media gevra het oor alarms wat vanoggend by Sasol afgegaan het.
Sasol is ’n toonaangewende verskaffer van ammoniak – ’n giftige vloeistof – wat een van die belangrikste kommoditeitchemikalieë is wat in die wêreld vervaardig word.
Ammoniak word by beide Sasol se Secunda- en Sasolburg-fasiliteite vervaardig, berig die nuusdiens.