Die eienaars van Wish On Florida Road in Durban, waar rymkletser Kiernan “AKA” Forbes en Tebello Motsoane, in Februarie doodgeskiet is, het in ’n verklaring op Facebook bevestig dat hul geen ander keuse het as om hul restaurant te sluit nie.
Wish on Florida het in ’n verklaring gesê die “tragiese gebeurtenis” het gelei tot “’n ernstige stilstand in besigheid.”
Die restaurant sluit sy deure op 10 April – oor ’n week.
“Dit is met groot hartseer dat ons die naderende sluiting van Wish On Florida met ingang van 10 April 2023 aankondig – waar ons “Die Laaste Maaltyd” gaan aanbied,” lui ’n verklaring.
“Ons nooi die publiek uit om by ons aan te sluit op ons laaste handelsweek, aangesien ons ’n opwindende reeks gebeurtenisse het vanaf die 7de April 2023 wat lei tot “Die Laaste Maaltyd” op die 10de April 2023.”
Volgens die eienaars, wat die besigheid se deure op Desember 2019 geopen het, was dit ’n wens wat die begin van ’n droom was.
Lees die verklaring hieronder:
