Inwoners van ’n huis is na bewering deur gewapende mans opdrag gegee om uit te trek, voordat hulle vloeibare stowwe op hul uitgegegooi en hul aan die brand gesteek het. Agt mans is op die toneel dood, terwyl vier slagoffers met ernstige brandwonde na die hospitaal gehaas is.
Die polisie in Taylors Halt het ’n massiewe soektog van stapel gestuur nadat agt mense Sondagaand 14 Mei 2023 in ’n huis by Msunduzi in Taylors Halt, Pietermaritzburg, deur sewe verdagtes doodgebrand het.
Daar word berig dat 15 mans, wie se ouderdomme wissel tussen 25 en 46 jaar oud, in ’n huis was toe sewe verdagtes, glo gewapen, hulle kom vra het oor waar die eienaar van die huis is.
Nadat hulle besef het dat die eienaar nie daar is nie, het die mans glo die inwoners van die huis opdrag gegee om uit te trek, voordat hulle vloeibare stowwe op hul uitgegooi en hul aan die brand gesteek het. Agt mans is glo op die toneel dood terwyl vier slagoffers met ernstige brandwonde oorleef en na die hospitaal gehaas is vir mediese sorg.
Die verdagtes is in hierdie stadium onbekend en die motief van die moorde moet nog vasgestel word, hoewel dwelmverwante kwessies nie uitgesluit kon word nie.
Die polisie pleit by enigiemand wat dalk inligting het oor waar die verdagtes is om die naaste polisiestasie te kontak of die misdaadstopnommer by 08600 10111 te skakel. Alternatiewelik kan hulle die polisie anoniem deur die MySAPS-toepassing laat weet.