In ’n aankondiging wat op Maandag, 22 Mei 2023 uitgereik is, het die gewilde kletstoepassing WhatsApp gesê dat die wysiging van teks van boodskappe wat met die platform gestuur is in die komende weke vir almal beskikbaar sal wees.
“Vir die oomblikke wanneer jy ’n tikfout maak, of bloot van plan verander, kan jy nou jou gestuurde boodskappe wysig,” lui ’n verklaring deur WhatsApp.
“Van die regstelling van ’n eenvoudige spelfout tot om ekstra konteks by ’n boodskap te voeg, is ons opgewonde om vir jou meer beheer oor jou kletsboodskappe te gee. Al wat jy hoef te doen is om op ’n gestuurde boodskap te druk en die ‘redigeer’-opsie op die kieslys te kies. Jy het dan vyftien minute om ’n boodskap te verander.
“Gewysigde boodskappe sal ‘geredigeer’ langs hulle vertoon, sodat diegene vir wie jy boodskappe stuur, bewus is van die regstelling sonder om wysigingsgeskiedenis te wys.”
WhatsApp sê die platform het hierdie wysiging wêreldwyd aan gebruikers begin uitrol en sal in die komende weke vir almal beskikbaar wees.