’n 13-jarige meisie in China wat verslaaf is aan aanlynspeletjies het bykans R1,2 miljoen ($64 000) in vier maande by haar ma gesteel en op aanlynspeletjies bestee.
Volgens The South China Morning Post het die hoërskoolleerling van die Henan-provinsie in sentraal-China haar ma se debietkaart-besonderhede aan haar slimfoon gekoppel, nadat sy verslaaf geraak het aan verskeie toepassings op haar slimfoon wat sy kon aflaai.
Daar word beweer dat sy die inligting van die bankkaart ook met haar klasmaats gedeel het.
Die meisie se ma het eers die diefstal ontdek toe ’n onderwyser vir haar gesê het sy vrees die meisie is verslaaf aan aanlyn betaal-om-te-speel-speletjies nadat sy opgemerk het dat sy baie tyd op haar slimfoon by die skool bestee het.
Toe die ma haar banksaldo nagaan, het sy minder as R1 ($0,07) in haar rekening gevind, berig Elephant News.
In ’n video wat saam met die nuusberig geplaas is, word gewys hoe die ma deur haar bankstate blaai wat elke transaksie uiteensit wat haar dogter gemaak het om vir die aanlyn-speletjies te betaal.
Sy het ook bevestig dat haar ma vir haar die kaart se wagwoord gegee het vir ingeval sy geld nodig het wanneer hulle nie daar was nie.