DEUR CONETTE LE ROUX (LIG)
Lauren Jacobs was slegs 14 jaar oud toe sy vir haar ma gesê het sy gaan eendag ’n veilige huis vir mishandelde vroue en kinders bou.
Lauren vertel: “Ek weet nie hoe ek op daardie ouderdom reeds duidelikheid oor my roeping kon hê nie, maar ek weet Jesus het my tóé reeds begin voorberei vir die reis wat op my wag.”
‘Slegs deur Jesus’
Sowat 25 jaar later spreek dié joernalis, predikant, skrywer en internasionale spreker ’n groep joernaliste by ’n Christelike mediakonferensie in Kaapstad toe.
Sedert daardie 14-jarige tiener besef het wat haar roeping is, het sy saam met honderde mishandelde vroue en kinders “gereis” in ’n poging om hulle te help. Eers vyf jaar lank saam met Suid-Afrikaanse vroue as traumaberader nadat sy sielkunde geswot het. Daarna het sy besef Jesus moet ongetwyfeld deel van jou reis na heling wees. “Sielkundiges, beraders en dokters moet deel van hierdie reis wees omdat hulle ons bystaan. Maar uiteindelik kom ware heling slegs deur Jesus.”
Lauren het toe ’n honneursgraad in Bybelse beradingsterapie voltooi. Hierna het ’n meestersgraad in teologie gevolg.
Klik hier om die volledige berig op LiG se webtuiste te lees.