Elektrisiteitstariewe is met 17,6% verhoog op 1 Julie.
(Foto bron: Pexels)
Die Stad Kaapstad het vanaf 1 Julie ‘n elektrisiteitstariefverhoging van 17,6% ingestel.
Die Stad het sy nuwe begroting vir die 2023/24-boekjaar geïmplementeer met ‘n kapitaalbestedingsbegroting van ‘n rekord R69,9 miljard, maar die begroting kom met skerp verhogings in munisipale tariewe.
In Mei het inwoners die geleentheid gehad om kommentaar te lewer oor die Stad se “bou hoop” begroting. Altesaam 1 400 voorleggings is ontvang, waarvan die meerderheid kommer uitgespreek het oor die elektrisiteitstariewe, beurtkrag, elektrisiteitsvoorsiening vir informele nedersettings, verhoging in eiendomstariewe, en verkeersbeperkingsmaatreëls wat ingestel gaan word in Mitchells Plain, Gugulethu, Khayelitsha en Kraaifontein.