Die Standerton SAPD het vier paroolgangers weer in hegtenis geneem.
(Foto bron: SAPS)
Die polisie in Standerton het verseker dat vier paroolgangers weer in aanhouding is nadat hulle met items wat vermoedelik gesteel is tydens ’n inbraak wat Saterdagaand, 15 Julie 2023 in een van die winkels in Standerton gepleeg is, vasgetrek is.
Die Standerton-polisie het ‘n massiewe soektog na die oortreders begin en hul harde werk het vrugte afgewerp aangesien inligting hulle na ‘n sekere huis gelei het waar die vier verdagtes van tussen 32 en 36 jaar oud met vermoedelik gesteelde items sowel as los dagga gevind is. Tydens verdere ondersoek het dit geblyk dat die verdagtes verlede maand (Junie 2023) op parool vrygelaat is.
Gegewe die vlaag huisbraaksake wat in die Standerton-omgewing aangemeld is, kan die ondersoekers nie die moontlikheid uitsluit dat hierdie verdagtes betrokke kon gewees het nie. Die ondersoek sal nie net tot huisbrake beperk word nie, maar ook om te kyk of die gearresteerde paroolgangers nie by ander misdrywe betrek was nie. Die verdagtes sal na verwagting Woensdag, 19 Julie 2023 in die Standerton-landdroshof verskyn op aanklagte wat verband hou met huisbraak en diefstal asook die besit van vermoedelik gesteelde eiendom.
Die provinsiale kommissaris van die SAPD in Mpumalanga, luitenant-generaal Semakaleng Daphney Manamela het die arrestasie verwelkom en die generaal het die positiewe vennootskap tussen die polisie en ander belanghebbendes in Standerton geprys. “Ons werk nou saam met die Departement van Justisie en Korrektiewe Dienste sodat ondeunde paroolgangers gearresteer word en terugbesorg word na korrektiewe fasiliteite wanneer hulle hul paroolvoorwaardes oortree,” het luitenant-generaal Manamela gewaarsku.