Bankwerknemer wat geweier het om R150 000 terug te gee is deur Valke gearresteer.
(Foto bron: Getty Images)
’n 28-jarige bankwerknemer van die Oos-Kaap, wat na bewering geweier het om geld terug te gee wat verkeerdelik in haar bankrekening gedeponeer is, is deur die Valke in hegtenis geneem.
Aaliya Govender is vandeesweek deur die Mthatha-gebaseerde Ernstige Kommersiële Misdaad Ondersoek van die Valke in hegtenis geneem en van diefstal aangekla.
Kaptein Yolisa Mgolodela, provinsiale Valke-woordvoerder, het verduidelik dat ‘n ander bankwerknemer per ongeluk R150 000 na Govender se rekening oorgeplaas het. Dit het op 21 Junie 2021 gebeur. “Die werknemer het talle pogings aangewend om die transaksie sonder sukses om te keer. Die verdagte het toe glo die geld na haar spaarrekening oorgeplaas vir persoonlike gebruik,” het Mgolodela gesê. ‘n Klag was by die Ngangelizwe Gemeenskapsdienssentrum ingedien, wat later na die Mthatha Ernstige Kommersiële Misdaad Ondersoek van die Valke oorgeplaas is.