Die Ford-motorvervaardiger se logo.
(Foto bron: Ford Media)
Vier mense het Maandag voor die Pretoria-landdroshof verskyn nadat hulle deur die Valke se ondersoekspan vir ernstige georganiseerde misdaad in hegtenis geneem is. Aanklagte sluit in die diefstal en besit van vermoedelik gesteelde motoronderdele, ter waarde van ongeveer R1,1 miljoen.
“Die Valke het inligting van die Ford Motormaatskappy van Suid-Afrika ontvang oor die moontlike diefstal van enjins. Na aanleiding van die inligting is daar later vasgestel dat die diefstal na bewering op die perseel van Ford plaasgevind het waarvolgens ‘n vragmotor van ‘n koeriermaatskappy gebruik is om rakke met sowat 36 enjins te laai,” het kolonel Katlego Mogale, woordvoerder van die Valke, gesê. Mogale het gesê die enjinrakke en vurkhyser wat gebruik is, is by die aflaaiadres gevind, sonder die enjins.