Vier mense is dood in ‘n massaskietery naby ‘n taxistaanplek in Port Shepstone, suid van KwaZulu-Natal.(Foto bron: Mi7.)
Vier mense is dood in ‘n massaskietery naby ‘n taxistaanplek in Port Shepstone, suid van KwaZulu-Natal. Die motief vir die skietery Dinsdagoggend in Ryderstraat is nog onbekend. Die polisie is egter besig met ‘n ondersoek.
Woordvoerder van die KwaZulu-Natalse Privaat Ambulansdiens, Craig Botha, het gesê talle ander is gewond.
“Paramedici het die toneel vinnig beoordeel en gevind dat een pasiënt kritieke beserings opgedoen het, drie pasiënte ernstige beserings opgedoen het en nog twee pasiënte geringe beserings opgedoen het. Die pasiënte is op die toneel behandel voordat hulle na die hospitaal vervoer is vir verdere behandeling. Ongelukkig het vier pasiënte noodlottige beserings opgedoen en aan hul beserings beswyk voordat nooddienste kon opdaag,” het hy gesê.