Die onlangse storms in die Oos-Kaap-provinsie.
(Foto bron: Verskaf deur die Suid-Afrikaanse Weerdiens)
Owerhede is besig om die skade wat die naweek deur stormsterk winde in die Oos-Kaap aangerig is te beoordeel. Rukwinde van tot 117 km/h is deur die weerdiens gemeet.
Minstens drie distrikte in die provinsie is geraak, met die Buffalo City Metro wat die swaarste getref is. Die winde het ‘n spoor van verwoesting gelaat met skade aan infrastruktuur, behuising en paaie, terwyl ‘n aantal gesinne verplaas is. Twee mense is nou dood as gevolg van die verwoestende winde. Nonthuthuzelo Poni, wat ‘n ma van vyf is, ag haarself gelukkig dat sy ongedeerd met haar kinders ontsnap het: “Dit was nie die eerste keer dat hierdie wind ons besoek het nie. Die hut het op my kinders geval. Toe dit geval het, het ek gedink dit het op my kinders geval, maar deur God se genade kon ons dit deurmaak. Ons het langsaan skuiling gesoek.”
Oos-Kaapse CoGTA LUR, Zolile Williams, sê hulle het die nasionale regering ingespan om hulp te verleen. “Dit is ’n ramp, maar ons het dit nog nie gekategoriseer nie. Sodra ons al die assesserings voltooi het, ons sal kan bepaal watter tipe ramp dit sal wees nie.”