‘n Af-diens LEAP (Law Enforcement Advancement Plan)-beampte is vermoor tydens ‘n bendeskietgeveg in Mitchells Plain.
(Foto bron: Gallo Images)
Die Wes-Kaapse Minister van Polisie-Oorsig en Gemeenskapsveiligheid, Reagen Allen, sê hy is woedend oor die moord op ‘n wetstoepasser die naweek in Mitchells Plain. LEAP-beampte, Toufeeq Williams wat ten tyde van die voorval van diens af was, het saam met sy dogter in die gebied gestap toe hy in bende-kruisvuur vasgevang is.
Allen sê ’n soektog na die oortreders is onderweg: “Ek wil hê diegene wat die vuurwapens aan hulle beskikbaar gestel het, moet ook van moord aangekla word. Almal van hulle moet getref word met die hele mag van die wet. Enige persoon hetsy in uniform of burger wat help met die beskerming van hierdie gangsters kan dieselfde behandeling verwag. Ek wil beampte William se familie verseker dat sy dood nie verniet sal wees nie. Ons sal geen steen onaangeroer laat nie; arrestasie en lang vonnisse moet volg.”