Taslin Lucas, 8-jaar oud, se verbrande lyk is in die Walmer-township gevind.
(Foto bron: Pixabay / Stock image)
‘n 32-jarige man is in hegtenis geneem in verband met die moord op ‘n agtjarige meisie by die Walmer-township, in Gqeberha, Oos-Kaap. Taslin Lucas se lyk is verlede week verbrand gevind in ‘n gevandaliseerde huis.
Priscilla Naidu, die polisiewoordvoerder, sê die man is deur die gemeenskap gevind en daar word beweer dat hy aangerand is voordat hy na die polisiestasie geneem is.
“’n 32-jarige man is Woensdag in Walmer gearresteer vir die beweerde moord op die 8-jarige Taslin Lucas. Daar word beweer dat die gemeenskap omstreeks 14:30 die verdagte by die 5de Laan stortingsterrein gevind en hom aangerand het toe het ‘n sekuriteitsvoertuig stilgehou en ingegryp het,” sê Naidu. “Die man is na die SAPD in Walmer geneem en aangehou vir die moord op die kind, die verdagte is na bewering die kêrel van die oorlede meisie se ma. Vroeër het sowat honderd mense van Walmer hoofsaaklik skoolkinders van Walmer-lokasie ‘n vreedsame optog na die polisiestasie gehou. Die ondersoek duur voort,” sê sy.