Foto bron: Verskaf
Virginia Dawn Wilscot, ‘n 60-jarige vrou wat skuldig bevind is aan bedrog, is deur die Bellville Gespesialiseerde Kommersiële Misdaadhof tot 22 jaar tronkstraf gevonnis, waarvan 11 jaar direk in die tronk gedien sal word.
Wilscot is in Maart skuldig bevind aan bedrog, vervalsing en diefstal. Volgens die Valke het sy haarself as ‘n koper van huise en voertuie wat op ‘n veiling aangebied is wanvoorgestel, dokumente vervals en aan slagoffers voorgehou as items wat te koop was.
Meer as R3 miljoen is in Wilscot se rekening inbetaal vir dienste wat nooit gelewer is nie. Die misdade, wat tussen 2012 en 2017 gepleeg is, het daartoe gelei dat Wilscot op verskeie aanklagte skuldig bevind is, terwyl sy sedert September 2017 verhoorafwagtend is.