Foto bron: Verskaf
’n 37-jarige Lesotho-burger is deur die Ladybrand-landdroshof tot lewenslange tronkstraf gevonnis vir die verkragting van sy negejarige seun en ’n boete van R3 500 of ses maande tronkstraf opgelê omdat hy onwettig in die land was.
Die verkragting het plaasgevind toe die man sy seun in November 2021 berge toe geneem het om vir muti te grawe. Die seun het die voorval by sy stiefma aangemeld.
In nog ’n voorval het ’n man in sy vroeë dertigs na bewering ’n negejarige meisie verkrag nadat hy haar en twee ander minderjariges in Desember verlede jaar na ’n spaza-winkel in Bloemfontein vergesel het. Die familie van die slagoffer eis geregtigheid.