Foto bron: Verskaf
Limpopo se Gesondheidsdepartement het drie malaria-sterftes tussen April verlede jaar en Januarie vanjaar aangeteken, met meer as 500 gevalle wat reeds gerapporteer is. malaria simptome sluit in koors, kouekoors, hoofpyn, naarheid en liggaamspyn.
Woordvoerder Neil Shikwambana moedig inwoners aan om malaria-beheerpersoneel toe te laat om hul huise te spuit, insekweermiddel te gebruik en beskermende klere snags te dra. Hy raai ook reisigers na hoërisikogebiede aan om voorkomende medikasie te neem en mediese hulp te soek indien hulle ongesteld voel ná ‘n besoek aan ‘n malaria-endemiese gebied.