Dr Nandipha Magudumana het ’n dringende aansoek van stapel gestuur om haar “inhegtenisneming en ontvoering” uit Tanzanië onwettig te verklaar.
Thabo Bester se vermeende medepligtige, Nandipha Magudumana, sal volgende week na die Vrystaatse hooggeregshof gaan om wat sy glo haar onwettige inhegtenisneming is, te betwis.
Magudumana het in hofstukke gesê sy wil hê die hof moet verklaar dat haar aanhouding, arrestasie en ontvoering in Tanzanië, en daaropvolgende vervoer na Suid-Afrika, en beweerde arrestasie en aanhouding daarvolgens, onregmatig en onwettig verklaar word.
Magudumana is tans in die Kroonstad-vrouesentrum in aanhouding is weens haar beweerde betrokkenheid by Bester se ontsnapping in Mei verlede jaar.
Sy het aangevoer dat haar arrestasie en uitlewering uit Tanzanië onwettig was en bygevoeg dat sy wil hê die staat moet die uitleweringsdokumente van Tanzanië aan haar verskaf.
In die hofstukke wat ingedien is, het Magudumana onder meer Bheki Cele, minister van polisie, kaptein Tieho Flyman en landdros Mohlolo Khabisi as respondente gelys.
Die minister van binnelandse sake, Aaron Motsoaledi, sal die nasie môre inlig oor die dringende aansoek wat Magudumana teen die staat gebring het om haar onwettige ontvoering tersyde te stel. Hy sal ook ‘n kwessie van ‘n SA-paspoort wat herroep moet word, en ‘n ID vir Bester, aanspreek.