Die polisie ondersoek ’n saak van moord nadat ’n 17-jarige tiener ’n 39-jarige man op Saterdag 20 Mei 2023 noodlottig by ’n plaaslike sjebien in die Ngcingane-omgewing in die Oos-Kaap gesteek het.
Daar word beweer dat beide die verdagte en die oorledene om 23:00 in die sjebien was toe die oorledene met iemand anders baklei het.
“Daar word verder beweer dat die 39-jarige man die tiener verkeerdelik een keer in die gesig gesteek het. Dit is toe die verdagte ’n mes uitgehaal en die slagoffer verskeie kere gesteek het.
“Die verdagte is gearresteer en sal na verwagting binnekort in die hof verskyn,” het sersant Matola-Mvanyashe, polisiewoordvoerder in die Oos-Kaap, gesê.