{"id":39743,"date":"2023-05-25T20:58:42","date_gmt":"2023-05-25T18:58:42","guid":{"rendered":"https:\/\/afrinuus.com\/?p=39743"},"modified":"2023-05-25T21:00:52","modified_gmt":"2023-05-25T19:00:52","slug":"pas-bekend-afriforum-vind-cholera-in-die-vaalrivier","status":"publish","type":"post","link":"https:\/\/afrinuus.com\/2023\/05\/25\/pas-bekend-afriforum-vind-cholera-in-die-vaalrivier\/","title":{"rendered":"PAS BEKEND | AfriForum vind cholera in die Vaalrivier"},"content":{"rendered":"\n

Die watermonsters wat AfriForum<\/a> en Save Ngwathe Dinsdag in die Vaalrivier by Parys laat neem het, het positief getoets vir cholera. \u2019n Geakkrediteerde laboratorium het watermonsters op verskillende plekke in hierdie dorp onder toesig van \u2019n waterspesialis geneem.<\/p>\n\n\n\n

“Die eerste watermonster wat by die uitloop van die rioolwerke geneem is, is nie met cholera besmet nie. Die tweede watermonster wat by \u2019n woonhuis in Parys geneem is, het negatief getoets vir cholera maar is wel met E. coli besmet. Die derde watermonster is in die Vaalrivier, ongeveer 10 meter stroomaf van \u2019n mangat wat al \u2019n geruime tyd riool in die rivier in stort, geneem. Dit is hierdie einste watermonster wat met cholera \u00e9n E. coli besmet is. AfriForum wag nog vir die amptelike uitslae, maar die laboratorium het di\u00e9 organisasie reeds in kennis gestel van die resultate weens die erns van die saak,” lui ‘n verklaring deur AfriForum.<\/p>\n\n\n\n

“Dit is uiters kommerwekkend dat die onttrekkingspunt vir Vredefort se water slegs 1 km van die rioolstorting af is. Dit is juis in Vredefort waar daar ook bevestigde gevalle van cholera is en waar \u2019n inwoner aan di\u00e9 virus gesterf het.”<\/p>\n\n\n\n

Hierdie inligting bewys verder dat die Vaalrivier wel met cholera besmet is. Daar is verskeie plekke waar die rou riool in die rivier invloei weens infrastruktuur wat uitgebrand het of glad nie beskikbaar is nie, beurtkrag en die feit dat daar nie noodbystand soos kragopwekkers of noodpompe is nie.<\/p>\n\n\n\n

\u201cDie Departement van Water en Sanitasie (DWS) gaan daadwerklik moet ingryp en AfriForum is bereid om te help. Ons het ook reeds aan hulle genoem dat ons bereid is om te help maar het ongelukkig geen terugvoer ontvang nie,\u201d s\u00ea Lambert de Klerk, bestuurder van Omgewingsake by AfriForum.<\/p>\n\n\n\n

Karien Viljoen van Save Ngwathe het vandag \u2019n video by die mangat ter sprake geneem waar dit blyk dat daar selfs bloed by die mangat uitvloei. Die DWS en die munisipaliteit is bewus van hierdie mangat wat oorloop.<\/p>\n\n\n\n

AfriForum en Save Ngwathe doen \u2019n beroep op inwoners van al die dorpe in die Ngwathe-metro om nie kraanwater te drink voordat dit gekook is nie. \u201cEk hoop dat die owerhede en veral die DWS die lewensnoodsaaklikheid van hierdie probleem besef en by die onbevoegde munisipaliteit sal intree. Die hulp wat AfriForum nou al vir die laaste twee jaar aanbied, word keer op keer ge\u00efgnoreer en nou betaal onskuldige mense met hul lewens daarvoor,\u201d s\u00ea Alta Pretorius, AfriForum se distriksko\u00f6rdineerder vir die Mooirivier.<\/p>\n\n\n\n

\u201cDit het ook hierdie week onder ons aandag gekom dat die raad die tegniese bestuurder wat na die wateraanleg moes omsien, geskors het hangende \u2019n ondersoek. Daar is niemand wat nou verantwoordelikheid vir hierdie wateraanleg neem nie en dit plaas verdere druk op die munisipaliteit en wek groot kommer by lede van die gemeenskap,\u201d sluit Pretorius af.<\/p>\n\n\n\n