Die eerste maansverduistering van 2022 sal op 15 en 16 Mei plaasvind, afhangend van die tydsone waarin jy jouself bevind.
’n Totale maansverduistering, wat plaasvind wanneer die volmaan in die diep sambrale skaduwee van die Aarde inbeweeg, sal in sy totale fase sigbaar wees vanaf dele van Amerika, Antarktika, Europa, Afrika en die oostelike Stille Oseaan.
Intussen sal ‘n penumbrale verduistering plaasvind, ’n gebeurtenis wat ontstaan wanneer die maan in die ligter penumbrale skaduwee van ons planeet is, en sal in Nieu-Seeland, Oos-Europa en die Midde-Ooste sigbaar wees.
Verduistering-wetenskaplike Fred Espenak het die opkomende volmaan as ‘n sogenaamde supermaan gelys, waarin die volmaan by perigeum is (sy naaste posisie aan die Aarde gedurende die maand), wat dit ‘n “Superbloedmaansverduistering” maak.
Terwyl tydsberekening afhang van jou ligging, sê TimeandDate.com dat die gedeeltelike verduistering reeds om 04h28 SA-tyd op 16 Mei begin, om 06h11 sy hoogtepunt bereik en om 07h55 eindig.